Marrëdhëniet SHBA-Gjermani. Berlini paralajmëron se mund të mos jenë më kurrë të njëjtat

Marrëdhëniet diplomatike mes Washingtonit dhe Berlinit janë përkeqësuar ndjeshëm në vitet e fundit dhe ministri i jashtëm gjerman ka paralajmëruar se marrëdhëniet mes 2 vendeve mund të mos jenë më kurrë të njëjtat . Heiko Mass tha se aleanca me SHBA, që është e rëndësishme në aspektin ekonomik, të mbrojtjes dhe sigurisë, mund të mos përmirësohet edhe nëse rivali i Donald Trump për shtëpinë e Bardhë, Joe Biden, fiton zgjedhjet e ardhshme.

“Lidhjet mes 2 anët e atlantikut janë jashtëzakonisht të rëndësishme dhe po punojmë që të qëndrojnë të tilla në të ardhmen. Por në gjendjen që ndodhen tani, ato nuk përmbushin kërkesat e asnjë prej palëve”, tha Heiko Mass.

Dy ekonomitë më influencuese të botës perëndimore, kanë pasur konflikte që kur presidenti Trump mori detyrën.  Shpenzimet në mbrojtjte, lufta tregtare SHBA-Europë dhe kërcënimi i tarifave ndaj eksporteve gjermane të makinave janë të gjitha pika të konflikteve.

Një tjetër burim gjigant i konfliktit është gazsjellësi “Rrjedha e Veriut 2”, një projekt gjermano-rus, si dhe vendimi i SHBA për të tërhequr trupat nga Gjermania.  Trump ka sharë Gjermaninë, ekonominë më të madhe të Europës, shumë herë që kur mori detyrën në 2016-n.  NATO ka qenë një temë debati, ku Trump e ka kritikuar hapur për shpenzimet e mbrojtjes.   Në vitin e kaluar, Trump e quajti Gjermaninë një “delikuente” në lidhje me shpenzimet e mbrojtjes.

Klevis Llaha / SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.