Marrëveshja e BE në parlament, Von der Leyen: Pakt historik, kemi burime të reja të të ardhurave

Presidentja e Komisionit Europian, Ursula Von der Leyen tha në parlament se marrëveshja e liderëve europianë për të caktuar burime të reja të të ardhurave për të financuar paketën e rimëkëmbjes, përbën një hap historik për bllokun. Liderët ranë dakord pas një samiti 4-ditor për të vendosur një taksë ndaj plastikës jo të riciklueshme, të taksojnë shërbimet dixhitale si dhe produktet e rëndësishme drejt Bashkimit Europian, nga vendet me standarde të ulëta të emetimit të dioksidit të karbonit.

“Fitorja e këtij samiti janë burimet e reja të të ardhurave nga taksat”, -tha von der Leyen, ndërsa prezantonte marrëveshjen tek parlamenti, që duhet ta miratojë në muajt e ardhshëm. Ajo tha se ekziston një marrëveshje unanime për burime të reja të të ardhurave dhe kjo përbën një hap historik për bllokun. Von der Leyen theksoi gjithashtu se disbursimi i parasë cash nga paketa e rimëkëmbjes prej 750 miliardë euro drejt vendeve të BE, është lidhur me qeveritë që mbikëqyrin sundimin e ligjit. Kjo përbën një mjet për t’i bërë presion Polonisë dhe Hungarisë që të respektojnë thirrjet e BE për të mos përkeqësuar pavarësinë e gjykatave, organizatave dhe medias.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.