Marrëveshja më e madhe bankare e vitit. “BBVA” do të shesë njësinë amerikane tek “PNC” pë $11.6 mld

Banka spanjolle BBVA do të shesë njësinë amerikane tek grupi i shërbimeve financiare PNC, për 11.6 miliardë dollarë në para cash’,  ç’ka përbën një nga marrëveshjet më të mëdha bankare në botë këtë vit.  Shitja do të konsolidojë më tej sektorin bankar në SHBA,  por ka ngritur gjithashtu spekulime se BBVA mund të përdorë paranë për të blerë një bankë rivale në tregun vendas.   KJo është marrëveshja e dytë më e madhe bankare që prej krizës financiare të vitit 2008 dhe krijon një bankë amerikane me thuajse 560 miliardë dollarë aktive.

Për BBVA, transaksioni përbën një tërheqje nga blerja prej 9.6 miliardë dollarë në vitin 2007 të Compas Bancshares, që e ktheu në filialin amerikan.  Aksionet e bankës spanjolle u rritën me 16% në 3.68 euro, ndërsa aksionet e Sabadell u rritën me 12.7%, ndërkohë që tregjet spekulojnë se BBVA do të përdorë të ardhurat për ta blerë rivalin më të vogël spanjoll.   Kryetari i bordit të BBVA, Carlos Torres, ka thënë se marrëveshja në SHBA mund t’i mundësojë bankës që të përdorë më mirë kapitalin në tregun e brendshëm.  Banka u tërhoq nga tregu amerikan pas performancës së dobët që goditi aksionet. Deri më tani për vitin, ka rënë në vlerë tregu me 36%.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.