Marrëveshja me SEC – Elon Musk dhe Tesla do të paguajnë 40 milion dollarë
Elon Musk do të japë dorëheqjen si kryetar i Tesla për tre vite dhe do të paguajë një gjobë pas arritjes së një marrëveshjeje me rregullatorin financiar amerikan për tweet-et që ai bëri në të cilat thoshte se do të merrte firmën në pronësi private.
Sipas marrëveshjes Musk do të mbetet shef ekzekutiv, por duhet të largohet nga posti i tij tjetër brenda 45 ditëve. Si ai dhe kompania do të paguajnë një gjobë prej 20 milion dollarë. Komisioni i Bursave dhe Letrave me Vlerë (SEC) paraqiti një padi në Nju Jork dhe akuzoi Musk për mashtrim javën e kaluar, duke pretenduar se tweet-et rreth financimit për një plan privat që ai braktisi vetëm disa javë më vonë nuk kishin fakte bazë dhe tha se kaosi i tregut që pasoi dëmtoi investitorët.
Në tweet-in e tij në gusht, Musk tha se po mendonte ta nxirrte Teslën jashtë tregut të bursës dhe ta merrte në pronësi private. Gjithashtu tha se kishte “fonde të siguruara” për këtë propozim, të cilat do ta vlerësonin Teslën në $ 420 në aksion. SEC akuzoi Teslën se nuk kishin pasur kontrolle dhe procedura të zbulimit për tweet-et e Muskut. SEC tha se kompania nuk kishte asnjë mënyrë për të përcaktuar nëse tweet-et e tij përmbanin informacion të plotë dhe të saktë.
Musk dhe Tesla nuk pranuan dhe as mohuan atë çka SEC gjeti si zgjidhje për arritjen e marrëveshjes. Asnjë nga palët nuk iu përgjigj menjëherë kërkesës për komente dhe as nuk ishin të arritshëm.
e.t/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.