Marrëveshja tregtare e Brexit, Times: Mundësitë në 30-40%, konflikte në lidhje me ndihmat shtetërore

Administrata e Kryeministrit britanik, Boris Johnson, sheh vetëm 30-40% shans për një marrëveshje tregtare të Brexit me Bashkimin Europian, për shkak të një konflikti në lidhje me rregullat e ndihmave shtetërore. Mbretëria e Bashkuar doli nga Bashkimi Europian më 31 Janar,  pas 47 vitesh të projektit europian që u përpoq të bashkojë vendet e rrënuara nga lufta e Dytë Botërore, në një superfuqi globale.

Dalja e Britanisë erdhi pas 3 vitesh të konflikteve në lidhje me marrëveshjen e daljes, që kur ndodhi referendumi i Qershorit 2016.  Që prej daljes, bisedimet për një marrëveshje të re tregtare nuk kanë arritur në një përfundim.  Dëshira e Britanisë për të përdorur fonde shtetërore për të nxitur sektorin e teknologjisë, nënkupton se ministrat kryesor të Johnson nuk janë të gatshëm të negociojnë mbi rregullat e ndihmave shtetërore.

E përditshmja The Times raportoi se ka vetëm 30-40% shans për një marrëveshje, duke përmendur burime në administratë.  Bisedimet mbi tregtinë pritet të rinisin javën e ardhshme në Londër.    Dështimi për të arritur një marrëveshje do të godiste tregjet financiarë, ndërkohë që thuajse 1 trilionë dollarë në shkëmbim tregtar, përfshirë pjesë makinash, produkte mjekësore dhe ushqimore, do të cënoheshin.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.