Marrëveshje e re ekstradimi me SHBA – Yuri Kim: Sinjal i qartë për krimin, nuk do gjejnë strehë. Gjonaj: Traktat historik
Pas 87 vitesh nga traktati i vitit 1933, Shqipëria ka nënshkruar një marrëveshje të re ekstradimi me Shtetet e Bashkuara të Amerikës. Ajo zgjeron dhe përditëson kategoritë e veprave penale për të cilat mund të kërkohet ekstradimi nga palët, mbi bazën e parimit të kriminalitetit të dyfishtë, duke përfshirë tashmë edhe veprat penale më të reja si ato me karakter financiar, tatimor dhe doganor, korrupsionin, veprat mjedisore, veprat në fushën informatike e çdo vepër që dënohet me heqje të lirisë për një periudhë maksimale prej më shumë se një viti ose për një dënim më të rëndë. Në ceremoninë e nënshkrimit të Marrëveshjes, Ambasadorja e Shteteve të Bashkuara në Tiranë Yuri Kim ta se si një sinjal i qartë dhe i vendosur ndaj të gjithë shkelësve të ligjit, se askush nuk do të gjejë asnjë strehë për t’iu shmangur zbatimit të ligjit penal në SHBA apo në Shqipëri.
Ministrja e Drejtësisë Etilda Gjonaj e konsideroi historike marrëveshjen e re, e cila shënon një hap përpara sa i përket luftës kundër krimit. Për të mos lënë asnjë shteg në ndjekjen penale të autorëve përgjegjës për kryerjen e veprave penale në të dyja vendet.
Marrëveshja e vitit 1933 u nënshkrua nga Faik Konica, Ministri i Plotfuqishëm I Shqipërisë në Uashington dhe Cordell HUll, Sekretari i SHBA në atë kohë.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.