Marrëveshje e re tregtare/Shqipëri-Turqi, synohet rritja e shkëmbimeve tregtare dhe investimeve
Shteti turk synon që të rrisë vlerën e investimeve në Shqipëri. Në këtë kuadër është sigluar marrëveshja mes dy vendeve e cila parashikon mbledhje qeverish të përbashkëta si dhe krijimin e komisionit ekonomik të përbashkët. Gjatë vizitës së tij zyrtare në Tiranë ministri i jashtëm turk u takua me homologun e tij Ditmir Bushati.
Ky i fundit u ndal në rëndësinë që ka Turqia si partnere ekonomike e Shqipërisë. Ndërkohë që në vijim pritet që të nxitet puna nga të dy vendet për zhvillimin e sektorit të bujqësisë dhe të turizmit.
Sipas ministrit të jashtëm turk, sektorë me potencial vijojnë të mbeten bujqësia, energjia, ndërtimi i aeroporteve, shkollave dhe spitaleve.
Në vendin tonë janë rreth 10 mijë të punësuar në kompanitë turke, ndërkohë që vlera e investimeve shkon në rreth 3 miliardë dollarë. Vlera e shkëmbimeve tregtare është 411 milionë euro ndërsa qëllimi është që kjo vlerë të rritet në një miliardë euro.
Ndërkohë që nga pala shqiptare kërkohet që të rregullohet disbalanaca sa i përket vlerës së eksporteve dhe të importeve.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.