Masa e re e administratës Trump – Shkurtimi i 3.1 milionë njerëzve nga programi i stampave ushqimore

Administrata Trump do të propozojë të martën një rregull për të shtrënguar kufizimet e ‘stampave ushqimore’ që do të shkurtonin rreth 3.1 milion njerëz nga programi, bënë me dije zyrtarët e Departamentit Amerikan të Bujqësisë (USDA). Aktualisht, 43 shtete të SHBA u lejojnë banorëve të marrin automatikisht të drejtën e të qenurit të kualifikuar për ‘stampat ushqimore’ përmes Programit të Ndihmës për Ushqimin Suplementar, i njohur si SNAP, nëse ata marrin përfitime nga një program tjetër federal i njohur si Ndihma e Përkohshme për Familjet në Nevojë, ose TANF, sipas USDA.

Por agjencia dëshiron t’i kërkojë individëve që marrin përfitime nga TANF për të rishikuar të ardhurat e pasuritë e tyre për të përcaktuar nëse ata vërtet kanë të drejtë për ushqim falas nga SNAP, thanë zyrtarët. Nëse zbatohet, rregulli do të shpëtojë qeverinë federale me rreth 2.5 miliardë dollarë në vit duke hequr njerëzit nga SNAP, sipas USDA.

Presidenti i SHBA, Donald Trump ka argumentuar se shumë amerikanë që tani përdorin SNAP nuk kanë nevojë për atë duke pasur parasysh ekonominë e fortë dhe papunësinë e ulët, dhe duhet të hiqen si një mënyrë për të kursyer taksapaguesit me rreth 15 miliardë dollarë. “Disa shtete po përfitojnë nga zbrazëtitë që u lejojnë njerëzve të marrin përfitimet e SNAP, për të cilat ata nuk janë të kualifikuar dhe nuk kanë të drejtë“, u tha sekretari i USDA Sonny Perdue gazetarëve të hënën.

SNAP siguron ushqim falas për rreth 40 milionë amerikanë, ose rreth 12% të totalit të popullsisë së SHBA. Një përpjekje e mbështetur nga Trump për të kaluar kufizime të reja përmes ‘Farm Bill’ u bllokua nga Kongresi vitin e kaluar, pas një debati shumë-ditor partiak.

“Për fat të keq, kualifikimi automatik është zgjeruar për të lejuar edhe milionerë dhe të tjerë që thjesht marrin një broshurë të financuar nga TANF për t’u bërë të ligjshëm për SNAP, kur ata në mënyrë të qartë nuk kanë nevojë“, tha Lipps, sekretar i USDA. Zyra e Buxhetit të Kongresit (CBO) në dhjetor vlerësoi se rregulli mund të shpëtojë qeverinë federale me 8.1 miliardë dollarë nga 2019 në 2028, më i ulët se sa vlerësimi i USDA. (Reuters)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.