Masa ekstreme/ Jo më asistencë për të moshuarit që dalin jashtë! Gaz lotsjellës dhe ujë kush refuzon shtetrrethimin
Kryeministri Edi Rama, në një video të publikuar ditën e sotme, ka bërë të ditur masat e reja ekstreme, që do të ndërmerren për shkak të numrit të lartë të të gjithë ata qytetarëve që ende qarkullojnë në masë. Ai komunikoi se policia dhe ushtria do të ushtrojnë çdo lloj force ndaj personave që kapen në shkelje flagrante në një kohë kur për këto dy ditë vendi do të jetë në shtetrrethim.
“Bankat do të shërbejnë brenda kësaj fashe orari,nga ora 5 e mëngjesit deri në 14:00. Ecja me të tjerë në lagje, gjatë orarit për lëvizje, nuk do të tolerohet më paqësisht. ‘’
Përsa i përket pensionistëve, Rama u shpreh se ata do të konsiderohen tradhtarë lufte, si dhe do të trajtohen me zero tolerancë.
‘’Të gjitha forcat e rendit, nga polici i lagjes, deri tek forcat speciale janë të vendosura të përdorin forcën dhe të gjitha mjetet që përdoren në rast shkelje të ligjit në tubime të paligjshme. Deri tek uji apo gazi lotsjellës. E mbështet pa asnjë rezervë këtë vendim të drejtuesve të Policisë.” tha Rama.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.