Masa shtesë për fillimin e shkollës – Policia rrugore apel drejtuesve të automjeteve: Përdorni transportin publik
Policia rrugor në kryeqytet ka marrë një sër masash për mbarëvajtjen e trafikut për ditën e parë të shkollës, që starton ditën e hënë, më 17 shtator. Në një dalje për mediat Shefi i Komisariatit Rajonal të Policisë Rrugore Tiranë , Kryekomisar Erion Ahmeti, iu bëri thirrje të gjithë drejtuesve të mjeteve të shmangin sa më shumë përdorimin e autoveturave.
“Komisariati rajonal i policisë rrugore në zbatim edhe të një plani masash të hartuara nga drejtoria Vendore e Policisë Tiranë ka marrë të gjitha masat duke planifikuar shërbimet shtesë për mbarëvajtjen e trafikut dhe mos ketë pengesa në rrjedhën e lirë të mjeteve. Policia rrugore bën apel të gjithë drejtuesve të mjeteve të shmangin sa më shumë të mundet përdorimin e autoveturave, të përdorin shërbimin publik për të çuar fëmijët e tyre në shkolla, pasi ajo është në funksion të të gjithë përdoruesve dhe të gjithë fëmijëve dhe në funksion të të gjithë trafikut për një rrjedhshmëri normale. Janë planifikuar shërbime në çdo degëzim dhe aks rrugor për të cilën ka dendësi të shtuar të mjeteve. Janë marrë masa për shërbime shtesë për mos pasur bllokim trafiku”.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.