“Masa shtesë për frenimin e Covid-19” – Rama: Do vendosen nga Komiteti. Manastirliu: Presim kitet për identifikimin e varianteve të rinj
Kryeministri Edi Rama ka paralajmëruar masa shtesë për frenimin e përhapjes së COVID-19. Gjatë një konference për shtyp, Rama tha se vendimi do të merret nga Komiteti Teknik i Ekspertëve, në mbledhjen e ditës së mërkurë, por nuk dha detaje se ku do të konsistojnë kufizimet.
Ndërkaq, ministrja Ogerta Manastriliu bëri me dije se të mërkurën do të mbërrijë edhe një kit i veçantë, që do të bëjë të mundur identifikimin e varianteve të rinj të COVID-19, pasi deri më tani laboratorët në vendin tonë e kanë të pamundur të zbulojnë nëse këto variante qarkullojnë edhe ne Shqipëri.
Ndërkaq, Rama foli edhe për sistemin e ri spitalor, që synon autonominë e spitaleve publike në vend. Në fakt, edhe më herët qeveria ka tentuar të mundësoj autonominë financiare të spitaleve, përmes një projektligji të nxjerrë në konsultim publik në dhjetor të vitit 2019, i cili më pas u tërhoq nga faqja online e deri më tani nuk është nxjerrë më për diskutim.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.