Masa të reja për turistët në Portugali / Hotelet dhe restorantet kërkojnë test të Covid, ose certifikatë të vaksinës
Turistëve në Portugali i është kërkuar të tregojnë një test negativ të Covid-19, një certifikatë të vaksinës apo prova të shërimit nga sëmundja, për të qëndruar në hotele apo akomodime të tjera, ndërkohë që infeksionet kanë vazhduar rritjen. Rastet e reja ditore në Portugali janë rritur në mënyrë të qëndrueshme në javët e ardhshme, duke u rikthyer në nivelet e muajit Shkurt, kur vendi ndodhej në karantinë të ashpër. Rreth 90% të rasteve janë nga varianti më i rrezikshëm Delta. Ndërkohë që varianti përhapet, vendi ka hasur vështirësi të shpëtojë sezonin turistik. Testet negative, certifikatat e vaksinimit apo prova të shërimit nga sëmundja do të kërkohen gjithashtu për të ngrënë në restorante, në 60 zona me rrezik të lartë, përfshirë Lisbonën dhe Porto. Turistët dhe klientët në restorante mund të përdorin certifikatën dixhitale të Covid-19 të BE. Testet e shpejta të antigjenit do të jenë gjithashtu të vlefshme, sipas qeverisë, dhe mund të ofrohen nga hotelet gjatë mikpritjes. Fëmijët nën moshën 12-vjeç të shoqëruar nga prindërit janë të përjashtuar. Shtetrrethimi gjatë natës do zgjerohet në 15 zona të tjera, duke u shtrirë në 60 në total. Portugalia, me një popullsi në 10 milionë, ka raportuar mbi 3,000 raste ditore me koronavirus në 24 orët e fundit, duke e çuar totalin në mbi 899 mijë.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.