Masa të reja/ Rama: ”Ndalohet frekuentimi në zonën e liqenit dhe në parqe” Duhet evituar mbipopullimi në spitale!
Kryeministri Edi Rama i është drejtuar sërish sot shqiptarëve me një video mesazh lidhur me situatën e koronavirusit në vend. Ndër këshillat dhe paralajmërimet, kryeministri Rama është shprehur se është e nevojshme ende marrja e masave të reja për të përballuar sitatën e krijuar në vend.
“Mund ti mbajmë dritaret hapur për ajrosjen e të fikim kondicionerët. Po kjo nuk do të thotë të dalim xhiro, si dje apo sot, ku kishte mjaftueshëm njerëz për të cënuar rregullat, apo buzë liqenit në Shkodër ku mbrëmë ishte si kohë pushimesh. Nuk kemi kohë të vijojmë me sensibilizime, ndaj do ndalojmë frekuentimin në zonën e liqenit dhe në parqet reakreative. Sot kemi 38 të prekur, dy prej tyre një reanimacion. Më e keqja s‘ka ardhur akoma. Nuk dua t’ju fusë frikën, por duhet t’ju informoj. Nuk ju them asgjë të pakonsultuar me ekspertët. Para komunikimit marr miratimin e tyre. E vërteta është përgjegjësi parësore, ndaj përhapja e koronës është e pashmangshme.’’ – ka theksuar Rama gjatë videomesazhit.
Gjithashtu ai theksoi se një nga shqetësimet kryesore ishte mbipopullimi nëpër spitale.
‘’Virusi prek shumë, pavarësisht nga masat, por duhet ngulitur se shumica do e kalojnë pa asnjë shenjë, e dyta, shumica do e kalojnë në shpi, e treta shumica e atyre që do bëhen për spital do shërohen. Masat shtrënguese janë të domosdoshme, sepse nëse nuk e ngadalësojmë përhapjen numri i atyre që do bëhen për spital do jetë shumë më i madh se sa shtretërit e këtë problem e kanë të gjithë”- u shpreh Rama.
Mirëdita të gjithëve nga shtëpia😍🔴 AJO SHPREHJA QESHARAKE E KOHËS SË ZBOREVE, “I GJITHË POPULLI USHTAR”, SOT ËSHTË MOTOJA E LUFTËS ME ARMIKUN E PADUKSHËM!
Posted by Edi Rama on Saturday, March 14, 2020
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.