Masat anti-COVID/Lëvizja në këmbë pas orës 18:00, gjobë 10 000 lekë! Grumbullimi në parqe, 20 000 lekë. Sekuestrohen biçikletat e automjetet

Të gjithë individët, të cilët nuk zbatojnë urdhrin e dhënë nga organet kompetente për ndalimin e lëvizjes për këmbësorët sipas orareve të përcaktuara, dënohen me gjobë në masën 10 000 (dhjetë mijë) lekë dhe me bllokim 3 muaj të automjetit privat, nëse e disponon një të tillë.

Kjo përcaktohet në shtesën që i është bërë aktit normative për masat e veçanta kundër përhapjes së COVID-19 në Shqipëri. Ndryshimet parashikojnë se individët, të cilët nuk zbatojnë urdhrin e dhënë nga organet kompetente për kufizimin e lëvizjeve në parqe dhe zona të gjelbërta të hapura, në zonat urbane, apo mjedise të tjera publike të hapura, dënohen me gjobë në masën 20 000 (njëzet mijë) lekë dhe me bllokim 3 muaj të automjetit privat, nëse e disponon një të tillë.

Ndërkohë, për individët, të cilët, në kushtet e shkeljeve  lëvizin me biçikletë, ciklomotor ose motomjet, zbatohet edhe masa shoqëruese e bllokimit të mjetit lëvizës për 3 muaj.”

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.