Masat anti-Covid/Tensione gjatë protestës në qendër të Romës. Protestuesit: Jemi kundër ‘diktaturës shëndetësore’
Italia ka nisur të rikthejë pak nga pak masat shtrënguese që kanë si synim uljen e përhapjes së virusit COVID-19. Mbyllja e lokaleve në orët e pasdites apo rikthimi i shtetrrethimit në orët e natës nuk është pritur mirë dhe ka shkaktuar protesta.
ANSA raporton se në ‘Piazza Del Popolo’ në Romë ka pasur protestë mbrëmjen e djeshme dhe tensione. Në mesnatë, kur nisi shtetrrethimi, protestuesit kanë lëshuar kapsolla dhe tymues kundër forcave të rendit. Gjatë përleshjeve u është vënë flaka edhe disa koshave. Protestuesit kanë deklaruar se janë kundër “diktaturës shëndetësore dhe shtetrrethimit”.
Italia po njeh rritje të rasteve të reja këto javë, ndaj edhe autoritetet po marrin masa për parandalimin e përhapjes.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.