Masat e reja/ Burg kush hap lokalin! Kush “abuzon” me makinën, patenta dhe automjeti i hiqen me vite. Burg po more pensionist në makinë

Qeveria ka planifikuar një lehtësim të masave në vijim, por nga ana tjetër ka ashpërsuar masat për ata që shkelin. Në listën e penaliteteve, secila masa shoqërohet me burgosje por edhe me konfiskim mjeti dhe heqje patente, tashmë jo me muaj por me vite.

Disa nga masat e pritshme:

-Do të lejohen automjetet  private për të shkuar në punë. Por nëse konstatohen persona familjarë apo të tjerë, ndëshkimi është bllokimi i patentës për disa vite, ashtu sikurse edhe konfiskimi i mjetit për të njëjtën periudhë që është bllokuar patenta.

-Nuk do të lejohet marrja e pensionistëve në makinë, me përjashtim të urgjencave mjekësore. Nëse ka shkelje, jo vetëm hiqet patenta dhe makina për disa vite por do të ketë masë ndëshkimi edhe burgosjen.

-Do të zgjatet në 90 minuta orari i pazarit dhe do të lejohet të bësh pazar me makinë

-Nuk do të lejohet absolutisht hapja e lokaleve, restoranteve dhe palestrave. Kush e shkel, arrestohet dhe dënohet me burg

-Dyqanet që nuk janë në qendra tregtare do të lejohen. Por duhet të marrin masat e distancimit dhe higjienës duke ofruar maska e dezinfektantë për punonjësit dhe klientët. Nëse konstatohen shkelje, penaliteti është mbyllja dhe konfiskimi I mallrave e deri edhe burgosja

-Do të zgjatet fasha orare përtej orës 13:00

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.