Masat kundër koronavirusit në Shqipëri, DPSHTRR: Pezullohen testet e patentave dhe mësimi e praktika në autoshkolla

Për parandalimin e përhapjes së coronavirusit, Drejtoria e Përgjithshme e Shërbimeve të Transportit Rrugor njofton se do të ndërpriten deri në 17 Mars 2020 testimet e Teorisë dhe Praktikës për marrjen e lejedrejtimit, aplikimet për Testimet për marrjen e lejedrejtimit si dhe testimet/kualifikimet pranë Drejtorisë së Kualifikimeve Profesionale (DPSHTRR).

Ndërkohë,do të ndërpriten deri me 23 mars 2020 mësimi dhe klasat në autoshkolla, praktikat në rrugë, trajnimet me Kryqin e Kuq!

Këto masa, sipas DPSHTRR-së, merren në zbatim të Urdhërit të Ministrisë së Shëndetësisë dhe Mbrojtjes Sociale dhe Ministrisë së Infrastrukturës dhe Energjisë!

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.