Mashtrimet financiare në rritje, INSTAT: Mbi 2 mijë raste të evidentuara gjatë dy viteve të fundit

Më shumë se 2 mijë vepra penale që kanë të bëjnë me mashtrimet janë proceduar dy vitet e fundit nga organet ligjzbatuese. Sipas të dhënave zyrtare të Institutit të Statisitikave,  janë evidentuar për vitet 2018 dhe 2017 përkatësisht 1,040 dhe 1,127 raste mashtrimi, me rritje nga vitet pararendëse.

Trend të përafërt kanë edhe numrat e personave të përfshirë në veprën penale të mashtrimeve. INSTAT raporton se për vitin 2018 janë proceduar 1,033 autorë për këtë vepër penale,  numër që gjithashtu vjen në rritje krahasuar me vitet e mëparëshme.

Ndërkaq nga të dhënat statistikore të ofruara nga prokuroria e përgjithësme,  rezulton se gjatë vitit të shkuar janë regjistruar në total 820 procedime penale per kete vepër, nga 987 një vit më parë. Në vitin 2018 numri i procedimeve të regjistruara për veprat penale të mashtrimit ka një ulje prej 16,92 % krahasuar me vitin 2017 e ndërkaq kemi ulje prej 49,44 % të procedimeve të dërguara në gjykatë në krahasim me vitin 2017.

Në lidhje me të pandehurit, për këtë grup veprash penale, vihet re ulje e numrit të të pandehurve të regjistruar përkundrejt këtij totali në vitin 2017 prej 46,18 %, një ulje e numrit të  të  pandehurve  të  cilët  janë  dërguar  në gjykatë  prej  34,61  %  dhe  ulje  e  numrit  të  të pandehurve të dënuar nga gjykata me 58,66 % përkundrejt vitit 2017.

Rezulton se 79,31 % e të pandehurve janë meshkuj (ndër të cilat rezulton 1 i mitur) dhe 20,69 % e të pandehurve janë femra.Për sa i përket arsimit të të pandehurve rezulton se 33,83 % e të pandehurve janë me arsim deri 9 vjeçar, 50,75 % me arsim të mesëm dhe 15,42 % me arsim të lartë.

Në këtë grup veprash janë marrë të pandehur 13 shtetas të huaj.Për sai përket gjendjes shoqërore nga të dhënat statistikore vihet re se 1,89 % e të pandehurve rezultojnë  të  punësuar  në  sektorin  shtetëror,  në  sektorin  privat  rezultojnë  34,43  %  e  të pandehurve dhe 63,68 % janë të papunë. Rezulton se 66,82 % e të pandehurve kanë vendbanimin në qytet, ndërsa 33,18 % prej tyre në fshat.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.