Mashtroi dhe iu mori 40 mijë euro 15 shtetasve, në këmbim të punësimit – Ndalohet nga Sektori i Krimit Ekonomik, 51 vjeçarja
I mori shuma të konsiderueshme parash 15 shtetasve, ndalohet nga Sektori i Krimit Ekonomik në Policinë e Vlorës, 51 vjeçarja
Nga hetimet e mëtejshme që janë kryer prej Specialistëve të Krimit Ekonomik dhe Financiar, shtetasja B.K. ka rezultuar se gjatë periudhës kohore, dhjetor 2016 dhe maj 2017 ka mashtruar rreth 15 shtetas duke iu marrë një shumë të konsiderueshme parash, në total 40.000 euro, me premtimin se do t’iu siguronte një vend pune në institucione shtetërore edhe në kompani private
“Në kuadër të masave të marra nga policia për vënien para përgjegjshmërisë si edhe kapjen dhe ndalimin e shtetasve të cilët rezultojnë me precedentë penal, po ashtu edhe për shtetasit e shpallur në kërkim policor, Specialistët e Sektorit të Krimit Ekonomik dhe Financiar në Drejtorinë e Policisë Vlorë pas një hetimi të gjatë policor me metoda speciale kanë arritur të bëjnë të mundur kapjen dhe ndalimin e shtetases së shpallur në kërkim : B.K 51 vjeçe, banuese në Vlorë. Kjo shtetase ka qenë e dyshuar për veprën penale ”Mashtrimi, më shumë se një herë dhe me pasoja të rënda”, parashikuar nga neni 143/2/3 i Kodit Penal, për të cilën ka marrë edhe masën e sigurisë ”Arrest në burg”, prej Gjykatës së rrethit Gjyqësor Vlorë, me numër Vendimi Penal 258 datë 28.07.2015”, thuhet në njoftimin e policisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.