Maska në ambientet e jashtme s’uli infektimet – Deputetët: Duhet bërë vlerësim i efekteve, rëndësi mbajtja me korrektësi

Deputetët e Komisionin parlamentar të Shëndetësisë kërkojnë vlerësimin e efekteve që ka sjellë vendosja e detyrimit për mbajtjen e maskës edhe në ambientet e jashtme. Teksa diskutohej Akti Normativ për këtë detyrim dhe masat ndëshkimore në rast të shkeljes së tij, deputetja Klodiana Spahiu tha se tashmë ka kaluar rreth një muaj nga hyrja në fuqi e aktit normativ, ndaj një vlerësim i tillë është i domosdoshëm.

Megjithatë, të dhënat sipas raportimeve ditore të Ministrisë së Shëndetësisë për të infektuarit e rinj me COVID-19 tregojnë se ky detyrim nuk ka sjellë efekte në drejtim të uljes së kurbës së të infektuarave. TV SCAN ka përpunuar të dhënat zyrtare, teksa rezulton se për periudhën 14 shtator-14 tetor, kur mbajtja e maskës nuk ishte e detyrueshme në ambinete të  hapur numri total it ë infektuarve arrit në 4591. Ndërkohë që, nga data 15 tetor kur mbajtja e maskës u bë e detyrueshme, që nga moment i daljes nga shtëpia e deri në datën 10 nëntor, numri i të infektuarve të rinj ka arritur në 9353 apo mbi 50% më shumë se muaji i mëparshëm.   Praktikisht, këto të dhëna mund të tregojnë se mbajtja e maskës në ambientet e jashtme nuk është efektive për të parandaluar infektimin, por kjo hidhet poshtë nga të dhënat shkencore tregojnë se të kundërtën ose reflektojnë faktin që qytetarët shqiptarë nuk e kanë zbatuar detyrimin e mbajtjes së maskës apo mënyrën e duhur, që është mbulimi i gojës dhe hundës. Për këtë arsye edhe Komisioni i Shëndetësisë bëri thirrje për mbajtjen korrekte të maskës,.

Sipas Aktit Normativ moszbatimi i detyrimit për mbajtjen e maskës në ambientet e jashtme dënohen me gjobë 3 mijë lekë, ndërsa në rast përsëritjeje gjoba shkon në 5 mijë lekë.

GRAFIK

NUMRI I INFEKSIONEVE TË REJA

14 SHTATOR-14 TETOR     4591

15 TETOR- 10 NËNTOR   9353

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.