Mastercard – Karta e parë e kreditit me sensor të shenjës së gishtit
Mastercard prezantoi një kartë krediti me skaner të shenjave të gishtërinjve.
Procedura e blerjeve do të vazhdojë të mbetet e njëjtë por përdoruesit duhet të vendosin gishtin mbi sensor gjatë një blerjeje.
Edhe pse disa ekspertë sigurie thonë se shenjat e gishtërinjve mund të mos jenë aq të sigurta sepse këta sensorë mund të mashtrohen lehtësisht.
Edhe eksperti i sigurisë pranë Berlin Security tha se gjithçka që duhet për të manipuluar këto sensorë është një xham apo një sipërfaqe e lëmuar e prekur më parë nga përdoruesi.
Megjithatë ai beson se kjo teknologji është më e mira që kemi sot në aspektin e sigurisë dhe se PIN është një nivel më i ulët sigurie se sa skanerat.
Kartat e reja të Mastercard janë të parat që përmbajnë një sensor të shenjës së gishtit i cili do të mund të shfrytëzohet në një pikë shitjeje.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.