Materiale pa faturë tatimore dhe punësim i paligjshëm – Policia procedon penalisht 27 vjeçarin
Policia e Shtetit njofton se nga specialistët e Seksionit për Krimin Ekonomik është proceduar penalisht shtetasi D. L., 27 vjeç, banues në Skrapar, pasi u kap në flagrancë nga shërbimet e Policisë, në fshatin Bogovë, duke shkarkuar nga një mjet tip kamion pllaka guri dekorativ, të cilat ishin të pashoqëruara me faturë tatimore dhe gjithashtu, këtij shtetasi iu gjetën edhe dy punonjës të pasiguruar.
Materialet i kaluan Prokurorisë së Rrethit Gjyqësor Berat, për veprat penale “Fshehja e të ardhurave” dhe “Punësim i paligjshëm”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.