Maternitet i ri në Berat – Nisin punimet, përfundon në më pak se 2 vite
Ministre e Shëndetësisë dhe Mbrojtjes Sociale, Ogerta Manastirliu ishte e pranishme në fillimin e punës për ndërtimin e maternitetit të ri në qytetin e Beratit.
Sipas njoftimit, ka nisur puna për ndërtimin e maternitetit të ri, një investim ky i shumëpritur për banorët e këtij komuniteti.
Njoftimi bëri me dije se brenda 20 muajsh nga dita e sotme, banorët e qarkut të Beratit do të marrin shërbimin në kushte bashkëkohore, me ndërtimin e maternitetit të ri.
Qeveria shqiptare sipas njoftimit ka investuar një vlerë prej 214 milionë lekësh në ndërtimin e maternitetit.
Gjithashtu, transformimi dhe rehabilitimi i materniteteve do të vazhdojë edhe në qytetin e Kukësit dhe të Lezhës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.