Matteo Renzi, pasues i Juncker? Kryeministri italian: Pse flisni gjithnjë se çfarë do të bëj unë kur të rritem?!

“Po pse flisni gjithnjë se çfarë do të bëj unë kur të rritem?”. Ka qenë kjo deklarata e Matteo Renzit në emisionin “L’aria che tira” në La7 ku hodhi poshtë zërat sipas të cilëve ai po synon të jetë pasuesi i Juncker në krye të Komisionit Europian.

“Kjo është ajo që unë dua të bëj” ka shtuar ai duke treguar një tabelë me 100 pikat e programit të forcës së tij politike, shkruan ANSA. “Për çdo pikë ka një gjë të bërë dhe një që duhet bërë. Çdo masë konkrete është një impenjim për të ardhmen” ka deklaruar ai.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.