Matteo Salvini i Italisë mbyll qendrën më të madhe të emigrantëve në Europë
Një qendër emigrimi në ishullin italian të Sicilisë, që ishte një nga më të mëdhenjtë në Europë, është mbyllur zyrtarisht.
Ministri i Brendshëm Matteo Salvini mori pjesë në mbylljen e qendrës Mineo, e cila në kulmin e saj kishte më shumë se 4,000 vetë.
Udhëheqësi i partisë, Lega Nord, ka mbajtur qëndrim të ashpër ndaj emigracionit.
Italia është hyrja kryesore për emigrantët që kalojnë Mesdheun nga Afrika e Veriut në Evropë. Qeveria Italiane është përpjekur të zvogëlojë numrin e njerëzve që vijnë duke ndaluar anijet e shpëtimit që mbartin emigrantë në portet e saj.
Komisioneri i BE për Migracionin dhe Çështjet e Brendshme, Dimitris Avramopulos, u ka bërë thirrje 28 shteteve anëtare të bllokut që të arrijnë një marrëveshje të përkohshme për marrjen e emigrantëve deri në arritjen e marrëveshjeve të përhershme.
Vendimi për mbylljen e qendrës Mineo u njoftua muajin e kaluar, pasi numri i azil kërkuesve ka rënë nga 2,526 një vit më parë në 152, njoftoi agjencia e lajmeve Ansa.
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.