May kundër një referendumi të dytë për Brexit: “Do të ishte tradhti e demokracisë dhe e besimit”

Kryeministrja britanike, Theresa May është shprehur kundër një referendumi të dytë të Brexit, duke thënë se kjo do të ishte ‘një tradhti e demokracisë dhe besimit.’

Në një deklaratë për Sunday Telegraph, May u përpoq të shuante zërat në rritje për një referendum të dytë si ai i vitit 2016 për t’u larguar nga Bashkimi Europian.

“Për ta bërë këtë pyetje përsëri do të ishte një tradhti e madhe e demokracisë sonë dhe një tradhti besimi”, u shpreh May, duke shtuar se ‘muajt e ardhshëm do të jenë kritikë në formësimin e së ardhmes së Britanisë.’

Nuk është hera e parë që Maji ka përjashtuar një tjetër referendum për Brexit. Në shkurt, ajo tha “nuk ka asnjë pikëpyetje për një referendum të dytë ose kthim prapa”, ndërsa në korrik zëdhënësi i saj u shpreh se nuk do të ketë referendum të dytë në asnjë rrethanë.

Një sondazh i fundit i YouGov/Times tregoi se 42 për qind e popullit në Britaninë e Madhe mbështesin një tjetër votim.

Ndërkohë, ligjvënësit kryesorë të marrëveshjes në partinë e May janë gati të botojnë planin e tyre për Brexit përpara konferencës vjetore të partisë e cila fillon në fund të shtatorit.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.