May reagon ndaj “poshtërimit” – “Negociatat e Brexit, në rrugë pa krye. Nuk ka referendum të dytë!”

Kryeministrja e Britanisë,  Theresa May, tha se bisedimet e  Bashkimit Europian dhe Mbretërisë  së Bashkuar për Brexit ndodhen në një “rrugë pa krye”.  Liderja e Britanisë përsëriti komentet e saj se nuk do të kthejë mbrapsht referendumin e vitit 2016.   May tha se ofertat e Bashkimit Europian janë të papranueshme dhe se nuk do të tallë vendimin që populli britanik mori 2 vite më parë.   Ajo i kërkoi gjithashtu Europës që të ofrojë më shumë detaje për pozicionin e negociatave.

“Ditën e djeshme, Donadl Tusk tha se propozimet tona përkeqësojnë tregun e përbashkët europian. Ai nuk shpjegoi me detaje apo të jepte një kundër-ofertë.  Kështu që ndodhemi në një rrugë pa krye”, tha Theresa May.  Kryeministrja shtoi  se gjatë gjithë procesit të negociatave e ka trajtuar Bashkimin Europian me respect dhe se kërkon të njëjtën gjë.  Paundi britanik pësoi rënie pas përfundimit të samitit të BE në Salzburg dhe humbi 1.3% pas komenteve të kryeministres.

Këto erdhën 1 ditë pasi liderët europian refuzuan planet e saj në Austri.  Ata kërcënuan May se bisedimet do të përfundojnë nëse ajo nuk tërhiqet për çështje si tregtia dhe kufiri i Irlandës së Veriut.  Pas këtyre paralajmërimeve, May tha se Britania është e përgatitur që të largohet edhe pa arritur marrëveshje me Brukselin. “Nuk do të ketë një referendum tjetër”, përfundoi May.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.