Mbahet Parlamenti i Parë Rural, shoqatat: Bashkitë të zbatojnë strategjitë për bujqësinë. Rekomandime qeverisë për mbështetjen e zonave rurale

Mbahet për herë të parë në sallën e seancave plenare në Kuvend, Parlamenti i Parë Rural. Në këtë seancë janë të pranishëm kreu i Kuvendit, Gramoz Ruçi, ministri i Bujqësisë Niko Peleshi, si dhe shoqatat për zhvillimin e bujqësisë.

Në këtë takim të parë “kryetemë” e diskutimeve ka qenë bujqësia dhe zhvillimi rural, si një ndikim për nxitjen e ekonomisë.

Konkretisht, përfaqësues të shoqatave bënë thirrje në këtë seancë që Bashkitë të zbatojnë strategjinë për bujqësinë dhe i kanë bërë rekomandime qeverisë se si të mbështesë zonat bujqësore.

Gjithashtu, shoqatat kanë nënvizuar edhe rolin e ekspertëve të bujqësisë për zhvillimin rural dhe bujqësor. Në përmbyllje të diskutimeve, do të mbajë fjalën e tij edhe ministri i Bujqësisë, Niko Peleshi.

os.de/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.