Mbërrijnë në Itali dozat e para të vaksinës – Papa dhuron 4 mijë tampona për të pastrehët

Furgoni me 9,750 dozat e para të vaksinës anti-Covid të Pfizer-Biontech i destinuar për në Itali arriti në kufirin e Brenner, duke ardhur nga Belgjika, pikërisht ditën e sotme me 25 dhjetor. I shoqëruar nga karabinierët, automjeti tani do të drejtohet në spitalin Spallanzani në Romë.

Me rastin e Krishtlindjes, ka ardhur edhe një dhuratë nga Papa Françesku për qytetin e Romës. Ai ka dhuruar 4,000 tampona për diagnozën e Covid-19, të marrë nga ai si një donacion nga Sllovenia.

Këto tampona, në sajë të angazhimit të Bamirësisë Apostolike, në bashkëpunim me Institutin e Mjekësisë së Solidaritetit dhe Ifo San Gallicano, do të përdoren për të lejuar të pastrehët në kryeqytet të diagnostikohen, gjithashtu falë një marrëveshjeje me Rome Capital. (ilsole24ore)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.