Mbështetja për “të varfrit”, në varësi të çmimeve – Ibrahimaj: Taksimi mbi të ardhurat, bizneset do kenë mundësi zgjedhjeje

Ministria e Financave do të shikojë mundësinë e zgjerimit në kohë të paketës së mbështetjes për shtresat në nevojë në varësi të ritmit të rritjes së çmimeve.

Në një dalje për mediat, Ministria Delina Ibrahimaj bëri me dije se deri në muajin Qershor është aktive paketa aktuale e rezistencës sociale dhe më tej do të vlerësohen nevojat per adresim të mëtejshëm.

E pyetur nga TV SCAN lidhur me ndryshimet në ligjin e të ardhurave,  Ministrja theksoi se do të ketë  rregullime gjithëpërfshirëse, që nuk lidhen vetëm me taksimin e bizneseve që ofrojnë shërbime.

Ministria bëri me dije sa i takon bizneseve që ofrojnë shërbime kundrejt vetëm një kompanie dhe që do jenë objekt i taksimit progresiv, do të kenë mundësi të zgjedhin midis dy fashave.

Ministrja  e Financave bëri një prezantim të përgjithshëm të ecurisë së ekonomisë në 4 muajt e parë të vitit, ku theksoi se pritshmëritë janë që 2022-shi të mbyllet me një  rritje ekonomike në 3.2 për qind të PBB.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.