Mbështetje agroturizmit – Programi “100 fshatrat”, Rama: Lehtësi fiskale për një periudhë 4 -vjeçare
Sipërmarrjet apo individët që duan të investojnë në agro-turizëm në 100 fshatrat e përzgjedhur nga qeveria, do të kenë lehtësia të mëdha fiskale për ti dhënë hov zhvillimi të këtij sektori. Kryeministri Edi Rama, e konsideroi këtë si një ofertë që do të zgjasë maksimalisht deri në 4 vjet. Rama iu la si detyrë kryebashkiakëve që të bashkëpunojmë për të prezantuar projekte të qarta në këtë sektor dhe për të thithur fonde alternative.
“Do të zhvillojmë një program shumë intensiv komunikimi me biznesin e madh për të nxitur kthimin e syve në investimet në agroturizëm, që janë investime të vogla për sa i përket parasë që vihet në dispozicion të ndërtimit të strukturave të agroturizmit, po kanë një rikthim me herë më të madh. Programi i lehtësirave fiskale do të jetë i limituar në kohë. Pra, nuk do të jetë i pafundëm.”
Programi 100 fshatrat, përzgjedhja e të cilave tashmë është bërë, parashikon ndërhyrjen e qeverisë në infrastrukturë dhe shërbime, por edhe financim përmes me granteve.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.