“Mbështetje dhe super paga për SPAK, presim rezultate” – Gjonaj: Të ndiqen paratë e korrupsionit. Soreca: BE, 60 milionë euro për reformën në drejtësi

5 vjet nga nisja e Reformës në Drejtësi, Ministrja Etilda Gjonaj e ka përshkruar procesin aspak të lehtë, bile me pengesa aq të forta sa vunë në sfidë vullnetin për ta çuar deri në fund. Ajo përmendi rezultatet e dhimbshme të procesit të Vetting-ut, duke theksuar se tashmë ka ardhur koha për rezultate konkrete në procedimin e rasteve të mëdha të korrupsionit, në një kohë që SPAK-ut i është siguruar çdo mbështetje e mundshme, institucionale e financiare. Ajo bëri publike edhe disa prej prioriteteve në vijim: siç janë Verifikimi i integritetit dhe vlerësimi per Drejtorinë e Përgjithshme te Burgjeve ; Projekti pilot per kurrikulat e shkollës per antikorrupsionin me partneret italiane; Zbatimi i rekomandimeve te Greco-s; apo Funksionimi i rrjetit antikorrupsion / priten raste konkrete.

Ambasadori i Bashkimit Evropian në Tiranë, Luigi Soreca tha se reforma është mbështetur nga Unioni me një financim prej 60 milionë eurosh, dhe se është momenti për rezultate konkrete. Ai tha se shumë e rëndësishme është që të procedohen gjyqtarët e prokurorët e shkarkuar nga Vetting-u.

Deklaratat e bënë gjatë konferencës kundër korrupsionit të zhvilluara të hënën me temë: “Sfidat dhe mundësitë në luftën kundër korrupsionit dhe forcimin e integritetit”

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.