Mbështetje për rritjen ekonomike, Ahmetaj: Doganat, shërbim online. Paketë e dytë investimesh 3.6 mld dollarë
Së shpejti doganat do të avancojnë në ofrimin e shërbimeve për bizneset, duke ofruar shërbimin online. Këtë fakt e ka bërë të ditur Ministri i Financave dhe Ekonomisë, Arben Ahmetaj, në ndarjen e çmimeve “Bleta e Artë 2017”.
Një tjetër lajm i mirë i dhënë nga ministri i Financave ka të bëjë me një paketë ët dytë investimesh publike në katër vitet e ardhshme. Paket kjo që kap vlerën e 3.6 miliardë lekëve.
Sipas ministrit të financave, vitet e fundit sektori i shërbimeve është ai që ka patur hovin më të madh të zhvillimit. Në këtë sektor është bërë e mundur që të rritet numri i punësimeve me rreth 30%.
Ndërkohë që po vijon procesi i derregullimit për institucionet, duke bërë të mundur eliminimin e burokracive më të cilat ndeshen bizneset dhe individët.
Gjatë aktiviteti “Bleta e Artë” janë ndarë një sërë çmimesh për bizneset të cilat kanë shënuar histori suksesi në vitin që lamë pas.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.