Mbështetje për zgjerimin e bletarisë – Krifca: Ligji i ri, vëmendje e shtuar ndaj sektorit
Draftligji për bletarinë tashmë është në fazën finale të konsultimeve dhe pritet që së shpejti të kalojë në Parlament për të ridimensionuar dhe rregulluar tërësisht këtë sektor që nga mbarështimi i bletëve deri në shitjen e produkteve.
Në ditën botërore të bletës, Ministrja e Bujqësisë, Frida Krifca, vizitoi disa bletërritës në Fushë-Prezë ku theksoi se mbështetja për këtë sektor nuk do të mungojë.
Në total në vendin tonë janë afro 8200 familje që merren me rritjen e bletëve, ndër ta janë profesionistë të cilët e kanë biznes, por edhe individë që e zhvillojnë këtë aktivitet për hobi. Ndërsa vlera kapitale e gjithë sektorit llogaritet në afro 72 milionë euro.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.