Mbi 109 mijë certifikata familjare në Korrik – e-Albania: Shërbimi elektronik më i përdorur

Certifikatat familjare vijojnë të kryesojnë listën si një nga shërbimet më të përdorura në portalin qeveritar e-Albania edhe për muajin korrik. Gjatë kësaj periudhë janë tërhequr 109 889 të tilla, ndjekur më pas nga vërtetimi për pagimin e kontributeve për individin me 40 704 mijë.

Po ashtu, shërbime të tjera të përdorura më së shumti gjatë muajit të kaluar përfshijnë edhe depozitimin e bilancit vjetor në Qendrën Kombëtare të Biznesit, kartën e shëndetit si dhe certifikatën personale.

Ndërkohë, sa i takon vizitave në portal, sipas të dhënave të e-Albania numërohen 1 048 879 të tilla, ndërsa janë regjistruar 12 249 përdorues të rinj.

Nga statistikat mujore të publikuara, rezulton se gjatë korrikut numërohen mbi 15 mijë përdorues në aplikacionin mobile, ku deklarimi dhe pagesa e kontributeve kryeson edhe listën si një ndër 10 shërbimet më të përdorura të muajit.

Lidhur me numrin e përdorimeve të shërbimeve elektronike, në total numërohen 457 989, ndërsa janë në dispozicion të përdoruesve 1348 shërbime. Ndërsa, sa i takon aplikimeve për leje ndërtimi, numërohen 4 960 të tilla vetëm për muajin korrik.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.