Mbi 150 të arrestuar në protestën anti-shtetrrethim – Ministri holandez: ‘Luftoni virusin jo njëri-tjetrin’
Më shumë se 150 njerëz u arrestuan në Holandë të Dielën pasi protestat e ndaluara mbi shtetrrethimin e natës të vendosura rishtas u kthyen në dhunë. Policia në qytetin jugor të Eindhoven përdori topa uji dhe gaz lotësjellës për të shpërndarë turmat pasi protestuesit goditën oficerë me gurë dhe vunë zjarr në qendër të qytetit. Të paktën 55 njerëz u arrestuan.
Në Amsterdam, kryeqytet, policia vendosi gjithashtu një top uji kundër protestuesve të mbledhur në një park qendror. Video tregoi oficerë duke spërkatur njerëzit e grupuar kundër një muri të Muzeut Van Gogh.
Më shumë se 100 persona u arrestuan, tha policia në një deklaratë. Dhuna erdhi një ditë pasi hyri në fuqi një shtetrrethim i natës, nga 21:00 në 04:30. Qeveria tha se masa shtesë – një bllokim i rreptë ka qenë në fuqi që nga mesi i dhjetorit – ishte i nevojshëm për të parandaluar përhapjen e varianteve më të transmetueshme të koronavirusit të ri.
Ministri i Drejtësisë Ferd Grapperhaus denoncoi dhunën si “nuk kishte asnjë lidhje me demonstrimin kundër masave të koronës (virusit)”. “Kjo është thjesht sjellje kriminale; njerëz që synojnë qëllimisht policinë, policinë e trazirave, gazetarët dhe punonjësit e tjerë të ndihmës,” tha ai në një deklaratë. “Unë bëj një thirrje urgjente për të gjithë në Holandë: luftoni virusin dhe jo njëri-tjetrin,” shtoi ai.
Një ditë më parë, protestuesit anti-shtetrrethimit kishin vënë flakën në një strukturë testimi në Urk, një fshat peshkimi i vendosur rreth 80 kilometra në veri-lindje të Amsterdamit. Zjarrvënia kundër qendrës së testimit u përshkrua nga Ministri i Shëndetësisë Hugo de Monge si duke shkuar “përtej të gjitha kufijve”.
Policia u “godit nga fishekzjarrë, gurë, shishe dhe kokteje Molotov” në Stein, në Holandën juglindore. Më shumë se 3,600 gjoba për shkeljen e shtetrrethimit u lëshuan të Shtunën dhe 25 njerëz u arrestuan sepse ata nuk pranuan të largoheshin ose për dhunë, tha policia. (EN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.