Mbi 3 milionë infeksione që nga fillimi i epidemisë – Ukraina shënon mbi 27 mijë raste me Covid në një ditë
Mbi 3 milionë raste me Covid-19 janë konstatuar në Ukrainë që nga fillimi i epidemisë: raporton Ministria e Shëndetësisë e Kievit, sipas së cilës në 24 orët e fundit në vend janë regjistruar 27,377 raste të reja me Covid.
Ky është numri më i lartë i regjistruar në një ditë së bashku vdekjet që kanë arritur në 699 raste nga sëmundja e koronavirusit.
Sipas të dhënave zyrtare, të marra nga agjencia Ukrinform, që nga fillimi i epidemisë në Ukrainë janë konstatuar 3,006,463 raste me Covid-19 dhe 70,146 persona kanë vdekur nga sëmundja në një vend ku jetojnë rreth 42 milionë njerëz.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.