Mbi 300 kontrolle dhe inspektime në biznese, kopshte dhe shkolla – AKU vendos 6 masa administrative në të gjithë vendin

Trupat inspektuese të Autoritetit Kombëtar të Ushqimit kanë kryer gjatë 24 orëve të fundit 312 inspektime dhe monitorime në të gjithë vendin  edhe si pjesë e Task-Forcës Anti-Covid duke vazhduar kontrollet në çdo biznes dhe në të gjitha nivelet e sistemit arsimor në zbatim të protokollit të sigurisë, si mënyrë e vetme për kufizimin e përhapjes së virusit Covid-19.

Sipas AKU gjatë inspektimeve janë dhënë  6 masa me paralajmërim në subjekte ushqimore, për rinovim të librezave shëndetësore, prani të sendeve të tepërta në ambientet e tregtimit si dhe mungesë të planit 3D.

Ndërsa sa i përket Planit të Marrjes së Mostrave sipas njoftimit janë marrë  16 mostra , në monitorim të qumështit , por edhe në analizim të fruta-perimeve për mbetje pesticide.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.