Mbi 600 kontrolle dhe inspektime në të gjithë vendin – AKU vendos 16 masa administrative gjatë 24 orëve të fundit

Autoriteti Kombëtar i ushqimit bën me dije se ka kryer 645 inspektime dhe monitorime në të gjithë vendin gjatë 24 orëve të fundit.

Sipas njoftimit gjatë kontrolleve zyrtare për garantimin e sigurisë ushqimore në operatorë të biznesit janë dhënë  16 masa me paralajmërim përgjithësisht për rinovim të librezave shëndetësore, rinovim të analizave të ujit dhe planit DDD.

AKU njofton se referuar Planit të Marrjes së Mostrave janë marrë 40 mostra në monitorim të produktit qumësht dhe në analizim të produkteve fruta-perime për mbetje te pesticideve, dhe se gjithashtu si pjesë e Task-Forcës AKU po vijon me monitorimet në të gjitha kategoritë e bizneseve për zbatim të protokolleve.

Autoriteti Kombëtar i Ushqimit ka kryer inspektime dhe monitorime dhe ka këshilluar 675 qytetarë për mbajtjen e maskës në zbatim të protokolleve të sigurisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.