Mbikalimi i Fllakës – ARRSH: kanë nisur punimet për ndërtimin e një kryqëzimi (FOTOT)
Autoriteti Rrugor Shqiptar njofton se ka filluar puna te Mbikalimi i Fllakës për ndërtimin e një kryqëzimi në disnivel në mënyrë që të krijohet akses në autostradë duke i ardhur në ndihmë bizneseve dhe banorëve nga të dyja anët e autostradës.
Sipas njoftimit projekti konsiston në ndërtimin e katër rampave që lidhin mbikalimin e Fllakës me zonën “Maliq Muco” dhe zonën e “Fllakës”.
ARSHH bën me dije se rampat do të krijojnë mundësinë e aksesit për dalje dhe hyrje në autostradë për të dyja zonat, duke rritur sigurinë rrugore dhe duke shmangur aksidentet e mundshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.