Mbledhja e qeverive të Shqipërisë dhe Kosovës. Nënshkruhen 14 marrëveshje, Rama: Heqim kufijtë me Kosovën
Me logon “Bashkë pa Kufi”, “Për një rajon pa Kufij”, ministrat e 2 qeverive u mblodhën për diskutuar dhe nënshkruar 14 marrëveshje bashkëpunimi në fushën e ekonomisë, transportit, arsimit dhe shëndetësisë. Fjalën e hapjes e mori kryeministri Edi Rama, ku renditi ecurinë e këtyre mbledhjeve. Duke u ndalur në pika konkrete kryeministri Rama tha se një nga objektivët kryesor të bashkëpunimin është integrimi në një treg të përbashkët dhe eliminimin e kufijve mes 2 vendeve tona. Pjesë e rëndësishme e marrëveshjeve sipas Ramës është edhe fillimi i ndërtimit të hekurudhës Shqipëri Kosovë.
“Unë besoj se bashkëpunimi ynë në këtë drejtim sot është hapur plotësisht. Koha e mureve ideo-psikologjike ka kalua dhe ta shfrytëzojmë këtë moment për ta bërë atë kohë të pakthyeshme duke i kryer një nga një të gjitha detyrat që imponon vendosja e të katër lirive të BE plotësisht ën radhë të parë në territorin mes nesh ku nuk na pengon askush dhe nuk kemi nevojë as për përkthyes për marrëveshje të përbashkëta, pasi shkruajmë, flasim dhe kuptojmë nga e njëjta gjuhë. ”
“Sot kemi dakordësuar disa marrëveshje konkrete dhe përpak javë, unë do vizitoj së bashku me një delegacion modest për nga numri, por për një marrëveshje shumë të rëndësishme, që do të bëjë të mundur kalimin e doganave të Durrësit në dispozicion të plotë të Kosovës dhe e kthen portin e Durrësit në një port të Kosovës që domethënë çdo mall që do shkarkohet në Durrës, zëre se është shkarkuar në Kosovë. Dhe aty do të jenë autoritete doganore të Kosovës që do e marrin dhe do e çojnë mallin në destination. ”
Kryeministri i Kosovës Abdullah Hoti mbajti një fjalim më të shkurtër duke u ndalur në pika konkrete duke theksuar se është shumë i rëndësishëm bashkëpunimi dhe integrimi ekonomik mes 2 vendeve. Hoti më tej u ndal te masat që ka marrë qeveria e tij për të përballuar krizën ekonomike të shkaktuar nga Covid 19, ku vendimi më i fundit ishte dhënia e një paketë stimuluese prej 5% të GDP për biznesin.
“Kemi vlerësu se përmes bashkëpunimit dhe implementimit të këtyre marrëveshjeve, memorandumeve dhe protokolleve siç është krijimi i fondit të përbashkët për Luginën e Preshevës apo marrëveshja për mobilitetin punë, marrëveshje në rastin e fatkeqësive natyrore, marrëveshje për bashkëpunim të filmit, marrëveshje për 5g, bashkëpunimi për platformë ne përbashkët dixhitale të arsimit parauniversitar, bashkëpunimi i thellë ndërmjet Ministrisë Kulturës dhe Sportit midis Shqipërisë dhe Kosovës si dh bashkëpunimi mes ministrive të shëndetësisë. Ndërkohë gjithashtu në fushën e ekonomisë dhe të tjera. Besoj se të gjitha këto tregojnë përfundimisht përkushtimin dhe vendosmërinë për të adresuar dhe zgjidhur shumë nga problemet që i shqetësojnë qytetarët tanë.”
Marrëveshjet që u nënshkruan, janë 14 në total dhe janë:
Marrëveshje për përballimin e COVID-19
Marrëveshje për shmangien e Tatimit të dyfishtë mbi të Ardhurat dhe mbi Kapitalin si dhe për Parandalimin e Evazionit Fiskal
– Marrëveshje për shmangien e tatimit të dyfishtë
– Marrëveshje bashkëpunimi mes MF dhe Ministrise së Ekonomisë dhe Punësimit
-Krijimi i një fondi të përbashkët për të mbështetur shqiptarët në Luginën e Preshevës
– Lehtësimi i procedurave doganore
– Bashkëpunim në transportin hekurudhor
– Platformë e përbashkët digjitale të Arsimit parauniversitar
– Bashkëpunim në aspekte të sigurisë
– Ndihmë dhe bashkëpunim I ndërsjelltë për të përballuar fatkeqësitë natyrore dhe fatkeqësi të tjera
– Themelimi i Ligës së Përbashkët të Basketbollit
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.