Mbledhje e jashtëzakonshme e qeverisë – Arrin në 50 numri i viktimave ndërsa ndërpriten operacionet e kërkim-shpëtimit
Kryeministri i vendit, Edi Rama pas mbledhjes së jashtëzakonshme të Këshillit të Ministrave të mbledhur ditën e sotme ka njoftuar vendimet e fundit të ndërmarra gjatë këtij takimi.
Vendimet më të fundit të shqyrtuara gjatë kësaj mbledhjeje janë si më poshtë:
- Të gjitha familjet e viktimave do të vendosen në shtëpi të re menjëherë, afati maksimal brenda mesit të muajit dhjetor;
- Lindita Cara dhe Albert Cara, dy të mbijetuar që humbën totalisht familjet e tyre, do të kenë trajtim të posaçëm shtetëror gjithë jetën;
- Të gjithë anëtarët pensionistë të familjeve të viktimave, pension të posaçëm në vlerë të barabartë me pensionin që shteti shqiptar jep në bazë të ligjit, për individët me kontribute të veçanta në art, kulturë, shkencë, sport, etj.;
- Të gjithë anëtarët nxënës apo studentë të familjeve të viktimave, bursë mujore 15 mijë lek të reja, deri në përfundimin e shkollës dhe/apo studimeve të larta;
- Të gjitha familjet e viktimave 1 milion lek të reja, përfshirë edhe familjet e dy viktimave nga Kosova;
- Njerëzit në hotele do trajtohen si turistë. Ilaçe 100% falas, nxënësit do vazhdojnë mësimin normalisht;
- Dy kategori e familjeve që nuk do të përfitojnë banesa pas tërmetit, janë familjet që para tërmetit kanë rezultuar të pastrehë dhe që banojnë në shtëpi me qira të cilat janë në rregull, nuk mund të kërkojnë strehim për tërmetin. Kategoria tjetër është ajo e banesave me një standard të ulët kushtesh.
- Po përgatitet ligji, ku çdo kush që abuzon me lejet e ndërtimit do të dënohet nga 7-15 burg.
Mbledhje e Jashtëzakonshme e Këshillit të MinistraveNdër të tjera merren këto vendime: • Të gjitha familjet e viktimave në shtëpi të re menjëherë – afati maksimal brenda mesit të muajit dhjetor• Lindita Cara dhe Albert Cara, dy të mbijetuar që humbën totalisht familjet e tyre, trajtim të posaçëm shtetëror gjithë jetën• Të gjithë anëtarët pensionistë të familjeve të viktimave, pension të posaçëm në vlerë të barabartë me pensionin që shteti shqiptar jep në bazë të ligjit, për individët me kontribute të veçanta në art, kulturë, shkencë, sport, etj…• Të gjithë anëtarët nxënës apo studentë të familjeve të viktimave, bursë mujore 15 mijë lek të reja, deri në përfundimin e shkollës dhe/apo studimeve të larta• Të gjitha familjet e viktimave 1 milion lek të reja, përfshirë edhe familjet e dy viktimave nga KosovaZoti u lehtësoftë e na ndihmoftë t’u lehtësojmë dhimbjen e patregueshme🙏#TiNukDoTëJeshKurrëVetëm😢👐🏿🇦🇱https//:e-albania.al/dhuro
Posted by Edi Rama on Friday, November 29, 2019
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.