Mblidhen vaksinat e papërdorura në Japoni / Në dhjetëra milionë doza prej vaksinimit të ngadaltë në vend

Vaksinat e papërdorura në Japoni pritet të arrijnë në dhjetëra milionë doza, ndërkohë që vendi pritet të miratojë 2 të tjera në javët e ardhshme.  Fushata e vaksinimit në vend vazhdon të jetë e ngadaltë për shkak të problemeve në staf dhe logjistikë.  Japonia ka importuar 28 milionë doza të vaksinës së Pfizer deri në fund të Prillit, por ka përdorur deri më tani vetëm 15% të stokut dhe pjesa e mbetur prej 24 mln qëndron në frigoriferë.  Furnizimi i vaksinës në Japoni pritet të rritet ndjeshëm pasi rregullatorët të vendosin më 20 Maj mbi miratimin e dozave të Moderna dhe AstraZeneca.  Pako e parë e vaksinës së Moderna ka mbërritur dhe rreth 30 milionë doza të AstraZeneca po përgatiten nga partnerët e brendshëm lokalë.   Dërgesat e Pfizer pritet gjithashtu të përshpejtohen në mbi 35 mln doza këtë muaj dhe tjetrin.  Japonia ka siguruar sasinë më të madhe të vaksinave në Azi, ndërkohë që po përgatitet për lojërat Olimpike gjatë Verës. Megjithatë, pavarësisht këtij furnizimi, vetëm 4 milionë doza janë administruar tek të moshuarit dhe punonjësit e shëndetësisë.  Japonia ka injektuar vetëm 2.2% të popullsisë deri më tani, që është norma më e ngadaltë ndër vendet e pasura.  Qeveria ka një objektiv ambicioz për imunizimin e të gjithë të moshuarve prej 36 milionë deri në Korrik. Për të arritur këtë objektiv, Japonia do të duhet të administrojë rreth 800,000 doza në ditë, që është më shumë se dyfishi i ditës më të mirë deri më tani.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.