Mblidhet Unioni i Bashkive Shqiptare në Rajon – Objektivi: Të kthejmë potencialin turistik në produkt ekonomik!
Koordinimi i bashkive shqiptare të rajonit të Ballkanit Perëndimor është një ëndërr e vjetër e cila duket se po merr formë nën frymën e re të integrimit rajonal. Ky proces i udhëhequr nga Bashkia e Tiranës ka mbledhur në kryeqytetin shqiptar kryetarët dhe nën kryetarët e bashkive të Shkupit, Ulqinit, Tetovës, Prizrenit, Prishtinës e shumë të tjera. Objektivi i diskutimeve të këtij viti është harmonizimi i politikave të turizmit për të ndërtuar një ofertë të përbashkët mes këtyre bashkive.
Unioni i Bashkive Shqiptare në Rajon ka përcaktuar si objektiv kryesor të këtij viti koordinimin e politikave të turizmit mes mbi 12 bashki pjesëmarrëse. Qëllimi është përkthimi i potencialit turistik rajonal në një produkt të mirëfilltë ekonomik.
Pikërisht drejtuesit e këtyre bashkive kanë folur për SCAN lidhur me këtë nismë strategjike që shërben si një lloj “procesi Berlini” por në nivel bashkiak. Nga Teuta Arifi, kryetare e Tetovës e deri tek kryetarja e sapo zgjedhur e Preshevës, Ardita Sinani, kanë shpjeguar se si do të funksionojë ky reagim dhe cilët do të jenë përfituesit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.