Mbretëria e Bashkuar do të përballet me mungesa të ushqimit, karburantit dhe ilaçeve nëse largohet nga BE pa një marrëveshje

Sipas dokumenteve zyrtare Mbretëria e Bashkuar me siguri do të humbasë ushqime të freskëta, karburant dhe barna në rastin e një Brexit pa marrëveshje.

Një parashikim i Zyrës së Kabinetit thotë se ky nuk është vetëm skenari i rastit më të keq, dhe ka shumë të ngjarë të ndodhë.

Parashikimi, bën të ditur se portet britanike do të jenë në shkrirje për të paktën tre muaj, dhe se do të ketë probleme në kufi me Irlandën.

Deri në 85% të kamionëve që përdorin vendkalimet kryesore të kanalit mund të mos jenë gati për doganat franceze, që do të thotë se ndërprerja në porte mund të zgjasë deri në tre muaj para se të mobilizohet fluksi i trafikut.

Qeveria gjithashtu beson se një kufi i vështirë midis provincës britanike të Irlandës Veriore dhe Republikës do të jetë i mundshëm pasi planet aktuale për të shmangur kontrollet e përhapura do të rezultojnë të paqëndrueshme.

Rrjedhja do të krijojë presion të vazhdueshëm ndaj qeverisë për të përgatitur qytetarët në Mbretërinë e Bashkuar në lidhje me pasojat e një Brexit pa marrëveshje.

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.