Mbreti i investitorëve botëror: Ndryshimi i klimës do të transformojë përgjithmonë financat

“Ne jemi në prag të një transformimi të plotë të financave”, sepse ndryshimi i klimës detyron investitorët “të rishqyrtojnë vetë themelet e financave moderne”. Ishte pikërisht kjo fjala e Larry Fink, bashkëthemeluesit, CEO dhe presidentit të BlackRock (një nga kompanitë më të mëdha në botë për menaxhimin e pasurive që udhëzon individët, profesionistët e financave dhe institucionet në ndërtimin e një të ardhme më të mirë financiare.) . Dhe nëse njeriu që ulet në karrigen më të lartë të kompanisë më të madhe në botë për administrimin e pasurive, me gati 7 trilion dollarë në menaxhim, atëherë duhet të ketë disa arsye për t’u shqetësuar.

Në letrën e tij vjetore drejtuar CEO-ve, sipas burimeve të Il Sole 24 Ore, Fink shkruan të zezën mbi të bardhë se si ndryshimi i klimës po çon në një rivlerësim të thellë të rrezikut dhe vlerës së pasurive. “Dhe ndërsa tregjet e kapitalit parashikojnë rrezik në të ardhmen, ne do të shohim ndryshime në ndarjen e kapitalit më shpejt se ato mbi klimën.” Kur? “Në të ardhmen e afërt, më herët sesa pritej nga shumë,” njofton CEO i gjigantit amerikan.

Asgjë nuk do të jetë si më parë, Fink sugjeron: në botën e financave do të shohim gjëra që deri dje nuk mund t’i kishim imagjinuar. “Rreziku i klimës do të ketë ndikim jo vetëm në botën fizike, por edhe në sistemin global që financon rritjen ekonomike”, shkruan Fink, duke shtuar dhe “impaktin që do kenë politikat që lidhen me klimën në çmimet, kostot dhe kërkesën të ekonomisë në tërësi ”. Duke shtuar këtu edhe bankat qendrore të cilat nga ana e tyre po bëhen gjithnjë e më të ndjeshme ndaj çështjes së alokimit të pasurive të tyre. (Ilsole24ore)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.