Mbrojtja e konsumatorit/investitorit përmes garantimit të konkurrencës së lirë – AMF nënshkruan marrëveshjen
Autoriteti i Mbikëqyrjes Financiare dhe Autoriteti i Konkurrencës bëjnë me dije se kanë nënshkruar një Memorandum Bashkëpunimi, i cili ka si qëllim bashkëpunimin ndërmjet palëve me qëllim mbrojtjen e konsumatorit/investitorit përmes garantimit të konkurrencës së lirë në tregjet nën mbikëqyrjen e AMF.
Sipas njoftimit Memorandumi i Bashkëpunimit u nënshkrua nga Drejtori i Përgjithshëm Ekzekutiv i AMF-së, Ervin Mete dhe Kryetarja e Autoritetit të Konkurrencës, Juliana Latifi dhe marrëveshja parashikon bashkëpunimin dhe koordinimin ndërinstitucional përmes shkëmbimit të informacionit, akteve ligjore ose rregullatore, apo organizimit të takimeve të përbashkëta në funksion të mirë rregullimit të tregjeve nën mbikëqyrjen e AMF.
“Memorandumi i Bashkëpunimit, i cili rinovon marrëveshjen e nënshkruar në vitin 2006 mes dy institucioneve, përcakton linja të qarta në kuadër të bashkërendimit të mëtejshëm të veprimeve dhe mbështetjes reciproke në funksion të konkurrencës së lirë dhe efektive në tregjet financiare jobankare,” shkruhet në njoftim.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.