Mbrojtja e punësimit nga Covid-19. Sunak prezanton skemën e re, nuk do shpëtojë dot çdo biznes

Ministri britanik i Financave, Rishi Sunak, lajmëroi një skemë të re të mbështetjes së vendeve të punës, që do ndihmojë firmat të punësojnë më shumë dhe me orë më të shkurtra, por paralajmëroi se nuk mund të shpëtojë çdo biznes apo vend pune.  “Qeveria do të mbështesë në mënyrë direkte pagat e puëntorëve, duke i dhënë bizneseve që përballen me probleme  opsionin e mbajtjtes së punëtorëve me orë më të shkurtra, në vend që t’i mbajnë kot”,- tha Sunak në parlament.

Ai shtoi se skema do të vazhdojë për 6 muaj, duke nisur nga Nëntori, dhe do të jetë e hapur ndaj të gjithë bizenseve të vogla e të mesme.  Firmat më të mëdha do të jenë të përshtatshme vetëm nëse të ardhurat kanë rënë ndjeshëm gjatë krziës. Ministri tha se kjo skemë do të mbështesë vende thelbësore të punës dhe do të sigurojë që punëtorët të punojnë të paktën 1/3-n e orëve normale dhe të paguhen si zakonisht.  “Qeveria së bashku me punëdhënësit, do të rrisin pagat e këtyre njerëzve, duke mbyluar 2/3-at e pagës që kanë humbur duke shkurtuar orët e punës”, – tha Sunak. Skema ekzistuese e Britanisë (CJRS), që mbështeti thuajse 9 milionë vende pune në muajin Maj që ishte kulmi, do të përfundojë në Tëtor dhe pritet të kushtojë 50 miliardë paund (64 mld usd).  Skema e vjetër, paguan punëdhënësit për 80% të pagës së punëtorëve të lartuar, deri në 2,500 paundë në muaj.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.