“Mbrojtja e sipërmarrjes”, Qato: Ofrohet zgjidhje për 60 % të ankesave dhe kërkesave. Nga janari sportel i veçantë te Hipoteka
Ministria për Mbrojtjen e Sipërmarrjes organizoi një takim me shoqatat e biznesin dhe dhomat e tregtisë për te krijuar një frymë dhe dialog mes qeverisë dhe biznesit.
Në aktivitetin me temë, “Shqipëria miqësore me sipërmarrjen”, ministrja Qato në fjalën e saj solli në vëmendje masat që ka marrë qeveria për lehtësimin e procedurave për biznesin.
Gjithashtu Qato e vuri theksin te mundësia që sipërmarrja ka tashmë për të shprehur shqetësimet, por edhe propozimet e tyre.
Në lidhje me këtë çështje, ministrja paraqiti dhe rezultatet kryesore mbi vrojtimin e organizuar on-line pranë bizneseve mbi qasjen e tyre, ku theksoi se Ministria e Mbrojtjes së Sipërmarrjes i ka dhënë zgjidhje 60 për qind të ankesave apo kërkesave nga bizneset.
Ministrja po këtu njoftoi që nga muaji janar, pranë hipotekës do të hapet një sportel i veçantë, si një kërkesë e bërë nga biznesi, ku mund të rezervohen takime paraprake, pa krijuar radhë dhe pa humbur kohë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.