Mbyllja e kufijve / Kanadaja vë fond ‘special’ në dispozicion të agjencive për të promovuar turizmin vendas

Kanada do të investojë 21.8 milion dollarë për t’i mundësuar provincave dhe territoreve të saj të promovojnë pushimet në “oborrin e tyre të shtëpisë” për shkak të mbylljes së kufijve të vendit për shkak të pandemisë së koronavirusit.

Destinacioni Kanada, organi kombëtar i vendit për marketing i cili zakonisht përqendrohet në tërheqjen e vizitorëve ndërkombëtarë, do të njoftojë fondin e ri më vonë të Dielën, sipas një deklarate të parë nga Reuters para lëshimit të saj zyrtar.

Kanada, e cila ka pasur më shumë se 7,000 vdekje për shkak të COVID-19, ka mbyllur kufijtë e saj për udhëtime jo thelbësore që nga marsi, dhe është e paqartë kur do të hapen përsëri. Shumë provinca gjithashtu kanë mbyllur udhëtimet e brendshme jo thelbësore.

Quebec, e cila ndan kufijtë me shtetet amerikane të New York, Vermont, New Hampshire dhe Maine, përbën më shumë se 60% të numrit të vdekjeve nga Kanada, dhe Ontario, provinca më e populluar, gjithashtu është goditur rëndë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.